Pages

Sunday, March 11, 2012

სურნელების არომატული საიდუმლო

ერთ დროს ძალიან ახლობელი სურნელი, ქუჩაში შემომიძვრა და შემაკანკალა.
დიდი ხანია, სუნს აღარ ავუღელვებივარ. 
საყავარელი ადამიანის არომატი ბევრჯერ, საერთოდ არსაიდან მომსუნებია და რეალობიდან წავუთრევივარ, სადღაც შორეულ ოცნებებში. 
ალბათ რაც უფრო განსხვავებულია ეს არომატი შენისგან, მით უფრო მძაფრად აღიქვამ...
რა ხდება მაშინ როცა ახალ არომატს ქმნის პარფიუმერი? 
ერთი მკვლელის ისტორია ”პარფიუმერი” გამახსენდა. გენიოსი ჟან ბატისტი მანიაკალური მიდრეკილებებეით. ყველასგან განსხვავებული საკუთარ თავში ჩაკეტილი და მძაფრი სურვილით შეპყრობილი, შეენარჩუნებინა ქალწულების სურნელება. ადამიანი რომელსაც საკუთარი არომატი არ გააჩნდა, შეძლო და  წაართვა უმშვენიერეს ქალწულებს არომატი და მასთან ერთად სიცოცხლეც...
მე ჩემს ჟან ბატისტს, საფრანგეთიდან ძალიან შორს, ეგვიპტის პარფიუმერულ სალონში მივაგენი. ძალიან სიმპატიური და მორიდებული არაბი. ჰოლივუდური ღიმილით ყოველ დღე მეპატიჟებოდა თავის სალონში, რომელიც ჩემს სასტუმროსთან იყო. ერთ დღეს გავბედე და შევედი, ტიპიური ტურისტის ცნობისმეოყვარეობით გაფართოვებული თვალებით. დაინახა ჩემი ინტერესი და მარკეტინგული ჯადოქრობებით დამაბა. საყვარელი სუნამო მკითხა და ჩემდა გასაოცრად, იდენტური სურნელებით ზეთოვანი სითხე გადმოიღო, კოლბაზე წარწერით Chanel Chance. ამის მერე თითქმის ყოველდღე მივდიოდი ხან ჩაიზე და ყავაზე, ხან უბრალოდ არომატებზე სასაუბროდ, იქ გავიგე რომ შეუძლია შექმნას სურნელი სპეციალურად ჩემთვის. ჩემი ხასიათის და ტემპერამენტის გათვალისწინებითაც კი. ამ შემოთავაზებაზე უარის თქმა არც კი მიფიქრია, მზგავსი შანსი ალბათ აღარასოდეს მექნება, რომ ვინმემ ჩემი ხასიათის სურნელი, მხოლოდ ჩემთვის შეიქმნას. 
დაახლოებით 3 საათი აზავებდა რამოდენიმე არომატულ ნელსაცხებელს და შემდეგ ჩემს კანზე ტესტავდა. ზემოთ ჩამოთვლი მახასიათებლებთან ერთდ ადამიანის კანის არომატიც მნიშვნელოვანი ინგრედიენტია. გრილი, მდგრადი კაციც ნაპეწკალით და მსუბუქი სიტკბოების ნაზავი, ოკეანის და თევზების სუნით, ეს მხოლოდ ჩემს კანზეა ისეთი რომელიც მაშინ დამზადდა. ქალებსაც და კაცებსაც ერთნაირად მოსწონს, მაგრამ ალბათ ჩემზე დაბკურებული მაინც განსაკუთრებით ;)
ამის მერე კიდევ უფრო დავუახლოვდი ჩემს ბრგე არაბ პარფიუმერს და უფრო მეტი სითამამით დავდიოდი ჭიქა ყავაზე და სიგარეტზე მასთან საჭორაოდ. თავბრუდამხვევ არომატებში ვურევდი თბილისიდან წაღებული კენტი 8-ის არომატს და თითქოს თბილისურად ვჭორაობდი ჩემს არაბ ჟან ბატისტთან...

1 comment:

  1. ჰო...ეგ პაწაწუნა, არომატული ზეთები თითქმის მთელ მსოფლიოს აჯადოებს. ცოტათი მშურს შენი ეგვიპტის , ყავის და სიგარეტის გამო. :)

    ReplyDelete